​ជំងឺ​គាំងបេះដូង អាច​កា​ពារ​បាន តាម​វិធី​ងាយៗ​ខាងក្រោម​នេះ​

​តើ​អ្នក​អាច​ជួយ​ខ្លួនឯង ឲ្យ​ចៀសផុត​ពី​ជំងឺ​គាំងបេះដូង​បាន​ដែរឬទេ​? ពិតជា​អាច ... គឺ​គ្រាន់តែ​ធ្វើ​តាម​ការណែនាំ របស់​គ្រូពេទ្យ​ជំនាញ​ខាង​ក្រោម​នេះ​ប៉ុណ្ណោះ​។​

១. ដើរ​
​ការដើរ​ហាត់ប្រាណ​ឲ្យបាន​ច្រើន អាច​កាត់បន្ថយ ក៏ដូចជា​ការពារ​ជំងឺ​គាំងបេះដូង​បាន ដូច្នេះ ចូរ​ដើរ​ឲ្យបាន​យ៉ាងហោច​ណាស់ ២ គីឡូម៉ែត្រ​ក្នុង​មួយថ្ងៃ ប៉ុន្តែ ត្រូវ​ឈប់​ភ្លាម បើ​អ្នក​ហត់ ឬ​អស់កម្លាំង​ខ្លាំង​។​

២. ទឹក​
​ការ​ញ៉ាំ​ទឹក​គ្រប់គ្រាន់ អាច​ការពារ​ការខ្វះ​ជាតិ​ទឹក និង​ជំងឺ​នេះ​បាន​ផងដែរ​។​

៣. ញ៉ាំ​អាហារ​មាន​សុខភាព​ល្អ​
​អាហារ​មាន​សុខភាព​ល្អ សំដៅ​ទៅ​លើ​អាហារ​គ្មាន​ជាតិ​ខ្លាញ់ និង​កាឡូរី​ខ្ពស់​។ អ្នក​គួរតែ​ញ៉ាំ​អាហារ ដែល​សំបូរ​ប្រូតេអ៊ីន កាបូ​អ៊ី​ដ្រាត កាល់ស្យូម និង​វីតាមីន​ដែល​ចាំបាច់​សម្រាប់​រាងកាយ​។​

៤. តម​ការ​ញ៉ាំ​ប្រៃ និង​ខ្លាញ់​
​ត្រូវ​ចាំ​ទុក របស់​ទាំងពីរ​នេះ គឺ​ជា​សត្រូវ​របស់​អ្នក​។​

៥. កុំ​ជក់បារី និង​ផឹកស្រា​
​បើ​មិន​ចង់​ឆាប់​ស្លាប់ ត្រូវ​កាត់ផ្តាច់​របស់​ទាំង​ពីរ​នេះ​ឲ្យបាន​។​

៦. កាត់បន្ថយ​ស្ត្រេ​ស​
​សម្ពាធ​ការងារ និង​គ្រួសារ ពិត​ជា​គ្រោះថ្នាក់​ណាស់ សម្រាប់​អ្នក​មាន​បញ្ហា​បេះដូង ដូច្នេះ អ្នក​គួរតែ​សម្រប​ខ្លួន ហើយ​ព្យាយាម​កាត់បន្ថយ​បញ្ហា​ទាំងនេះ​៕

​ប្រភព ៖ Boldsky
​អត្ថបទ ៖ វេជ្ជបណ្ឌិត ឈឹម សៅភារ៉ា​

- ហាមដាច់ខាតការយក​អត្ថបទ ពីវេបសាយ www.health.com.kh ដោយគ្មានការអនុញាតិ បើលោក លោកស្រីត្រូវការអត្ថបទសូមទំនាក់ទំនង 012 944 977 , 098 444 004

ត្រួតពិនិត្យដោយ www.health.com.kh ថ្ងៃទី07  ធ្នូ ឆ្នាំ 2016